Pathian Uknak/Pennak leh A Felnak hawl hmaisak hi, Vanram leh Lei Thlasuah vialte dawnnak asi (Mat 6:63)
Mizo: Pathian Malsawm Dawn Dan (Deut 28:1-14)
MALSAWMNA BUL (DEU 28:1-14 ):
1Tin, heti hi a lo la ni ang a, Lalpa in Pathian awkâ chu ngun taka in ngaihthlâka, vawiina thu ka pêk che u thupêk zawng zawng fîmkhur taka in zawm chuan, Lalpa in Pathian chuan khawvêl hnam zawng zawnga chungnung berah a siam ang che u; (LALPA Venhimna Exo 23:22-26)
2tin, Lalpa in Pathian thu in pawm phawt chuan hêng malsâwmna zawng zawng hi in chungah a lo awm ang a, a zui zêl ang che u. (Hlawhtlinna Bul Matt 6:31-33)
3In lam leh ram lamahte chuan malsâwmin in awm ang a.
4In rîla rah te, in lei rah te, in ran rual pung, in bâwngpui leh in berâm rual pungte chu malsâwmin a awm ang.
5In bâwm leh in chhang hmehna thlêngte malsâwmin a awm ang a.
6In chhuakvâk te chu malsâwmin in awm ang a, in lo hâwng te pawh malsâwmin in awm ang. (Finna Bul Thufing 3:5-11)
7In hmêlma, nangmahni beitute chu Lalpan a tihtlâwmsak ang che u a; a bei tûr cheuin kawng khatah an lo lût ang a, kawng sarihah an tlânchhia ang. (Lalpa Venhimna Exo 15:26)
8Lalpan in buh in chungah te, in kutkawih zawng zawng chungahte malsâwmna thu a pe ang a; Lalpa in Pathianin ram a pêk che uah chuan mal a sâwm ang che u.
9In hnêna chhia a lo chham tawh angin, Lalpa chuan ama tâna hnam thianghlimah a tinghet ang che u, Lalpa in Pathian thupêkte in zawma, a kawngte in zawh phawt chuan.
10Tichuan, khawvêl hnam tinin Lalpa ta in nih an hria ang a, an hlau vang che u.
11Tin, nangmahni pêk tûra in pi leh pute Lalpan a lo tiam ramah chuan in rîla rahah te, in ran rualah te, in lei rahahte Lalpan nasa takin a tipung ang che u.
12Lalpa chuan a hun taka in ram châwm tûr ruahtui pe tûr che u leh, in kutkawih zawng zawng malsâwm tûrin vân, a ro bâwm ṭha chu, a hawnsak ang che u a; tichuan, hnam tam tak in pûktîr ang a, nangni erawh chuan in pûk lo vang.
13Tin, Lalpan mei ni lovin lûah a siam ang che u a, a hnuaihnung ni lovin a chungnung zêl in ni ang; Lalpa in Pathian thupêk awiha, tûna ka pêk che u hi fîmkhur taka pawma, vawiina thu ka pêk che u, (Lalpa Duhdan)
14a thûte hi a enga mah, ding lam emaw, vei lam emawa pathian dangte zui leh rawngbâwl tûra in pênsan loh phawt chuan. (Thlarau thiltihtheihna leh Nunna Joh 6:63)