Bible in zo si zum dingih in zirh mi leh kan hrang a poimoh nak?

1. Israel Miphun ih sin Zumnak kan zir ding mi:

Leithlun pumpi thuanthu leh tuini tiangih a um mi, Miphun Upa bik, Thlasuahnak, harsatnak le hmuhsuamnak tuar tam bik leh tuisun ih Mifim, Cathiam leh Milian tam bik (Bik hlirte) cu Isarel Miphun asi kan thei cio ding. FaceBook tuahtupa Mark Zuckerberg thla hi Isarel miphun asi 🙂
Cui miphun pawl an nghetkhohnak bik cu PATHIAN miphun ansi ruangah ti hi Anmah lawng silo in, Leitlun theih mi asi.
Culakah Pathian Zumlo tu leh Pathian hrilmi an si ti zum lo leh a tefa sin hnenih cuvek zirhnak diklo zirh tu pawl (Muslim) an um ve tho tho. Cu pawl cu PATHIAN in a mualpho ter sal ring ring. Egypt Pharoah san lai sin, Babylon Siangpahrang, Assyria, Rome, Germany-Hitler, Arab-5 days war leh tunai Iran raldo pawl tla an si.

2. Pathian kan Rinsan theinak dingah A Biakam cu tuni tiang Isarel Miphun parah a um lai:

Hrekkhatin, Thukamtharah kan um zo, Thukamhlun a pawimoh nawn lo ti zumnak le zirhnak a um. A dik maw Bible in kan zauh pei?

Mat 5:17-18 ah Bawipa Jesuh in hitin asim:

17Moses Daan pawl le profet pawl ih thuzirhmi siatsuah dingah a ra, tiah i ruat hlah uh. Cupawl siatsuah dingah ka ra lo, an zirhmi pawl kimter dingah ka ra sawn a si.
18Hihi cing ṭha uh: lei le van a um sung cu Daan sungih daan terek bik pakhat hman a hlo lo ding, ziang hmuahhmuah a kim ṭheh hlan cu pakhatte hman a hlo lo ding.

Cui Thukam hlun /Moses Daan kan ti mi cu Kum 3000 hrong liam zo ah khan, hitin BAWIPA in thu a rak sim:

THLASUAH NAK (Deu 28:1-14)

1“Tuih sunih ka lo pekmi thukham pawl hi feltein nan thlun ih Bawipa nan Pathian thu nan ngai a si ahcun leitlunih miphun hmuahhmuah hnakin hmun sang deuh ah a lo ret hai ding. 2Bawipa nan Pathian ih thu ngai uhla hi thlawsuah a phunphun hi nan co ding. 3“Bawipa in nan khua le nan ram pawl thlawsuahnak a pe ding. 4“Bawipa in fanu fapa, rawl a phunphun le caw le tuurual thlawsuahnak a lo pe ding. 5“Bawipa in na bawm le na kheng tla thlawsuahnak a pe ding. 6“Bawipa in na ṭuan na hawlnak kipah mal a lo sawm ding. 7“A lo dotu na ral pawl cu Bawipa in a lo nehsak ding. Hmun khatih an lo nor hmanah hmun sarih in an tlan ding. 8“Bawipa in na hnaṭuannak cu a thlawsuah ding ih na cuam pawl cu rawl an khat ṭheh ding. A lo pek dingmi ram sungah thlawsuah na ngah ding. 9“Bawipa nan Pathian thu nan ngai ih a thupekmi hmuahhmuah nan thlun ih a lamzin in nan feh a si ahcun a lo kam zo vekin amah ih minung ah a lo tuah hai ding.
10Cutikah leilung tlunih miphun hmuahhmuah in Bawipa in amah ih minung si dingah a lo hril kha an hmuh tikah an lo ṭih ding. 11Bawipa in nan pu le nan pa hnenih a rak tiamkammi ram sungah thlawsuah a lo pe ding ih nan neinungzet ding: tefa tampi, ṭilva tampi le rawl tampi nan nei ding. 12Bawipa in vanih a robawm, van khi ong tahrat in a tikcu caante-ah ruah a run surter ding ih nan hnaṭuanmi hmuahhmuahah hlawhtlinnak a lo pe ding. Cuticun miphun tampi hnenah thilri nan coih ding; asinain nannih cun nan cawi lo ding. 13Bawipa nan Pathian in miphun tampi lakah hruaitu-ah a lo tuah hai ding; thluntu cu nan si lo ding. Tuih sunih ka lo pekmi thukham pawl hi feltein nan thlun a si ahcun nan ṭhangso ringring ding; a ṭumsuk lam cu nan si dah lo ding. 14Hi daan pawl cu ziangtik hmanah bal hlah uh; khawzing dangdang tla bia in rian hlah uh.”

Cui theh len, a peh salih CAMSIATNAK a sim sal:

15“Sikhalsehla tuih sunih ka lo pekmi daan le thukham pawl hi feltein nan thlun lo ih Bawipa nan Pathian thu nan ngai lo a si ahcun hi camsiatnak pawl hi nan parah a thleng ding ih nan hnenah a caam ding. 16“Bawipa ih camsiatnak cu nan khua le nan ramah a thleng ding. 17“Bawipa ih camsiatnak cu nan bawm le sangphut nan nawnnak nan khengah a thleng ding.

18“Bawipa ih camsiatnak cu nan sungsuak nan tefa parah siseh, nan lo rawl parah siseh, nan caw le nan tuu faate parah siseh a thleng ding. 19“Bawipa ih camsiatnak cu nan luh-nakah a thleng ding ih nan suah-nak khalah a thleng ding.

20“Thil ṭha lo nan tuah ih Bawipa nan dungtun a si ahcun nan hlohral thluh hlan lo Bawipa in nan parah vansiat malmaknak, buainak a phunphun le awloksongnak a thlenter ding. 21Nan luah dingmi ram sungah pakhat hman nan taan nawn lo tiangin nan parah tlangrai natsia pakhat hnu pakhat a thlenter ding. 22Bawipa in mi suanthei natnak, thlinnat le khurhnat pawl a thlenter ding; nan thlairawl pawl cu an ro, an caar, an ngau ding ih siatsuah thluh an si ding. Hi harsatnak pawl cu nan thih thluh hlan lo nan hnenah a um ringring ding. 23Nan tlunih van khi daar bangin a khal kang ding ih nan ke hnuai ih leilung cu thir tlukin a hak ding.

62Van ih arsi zat in tam hman uhla Bawipa nan Pathian thu nan ngai lo a si ahcun mi malte lawnglawng nan taang ding. 63Nanmah a lo lenternak le a lo karhzaiternak ah hin Bawipa cu a lung a awi ngaingai; cubangtuk in nanmah hloral dingah le siatsuah ding khalah hin a lung a awi ṭhiamṭhiam ding. Nan luah dingmi ram ihsin phorhsuak thluh nan si ding. 64“Bawipa cun vanhramdeng in khatlam vanhramdeng tiang a lo ṭhekdarh thluh hai ding ih cutawk ramah cun nanmah in siseh, nan pupa pawl in siseh, nan theih dah lomi le nan biak dah lomi, lung le thingih tuahmi khawzing dangdang nan bia ding. 65Khuitawk hmanah hnangamnak nan hmu lo ding ih kan khua, kan ram timi nan nei lo ding. Bawipa cun thlaphannak, mitmalnak, le beidong thinpihnak in a lo khahter hai ding. 66Nan nunnak cu ṭihphannak lawnglawngin a khat ding. A sun a zan in nan ṭhia nan khur ding ih thih ṭih le thinphang in nan um ringring ding. 67Ziangvek thil nan hmuh khalle nan hmuh vete in nan thin phang in a thir ringring ding. Zanlam a si tikah, ‘Zinglam si thlang sehla maw,’ nan ti ding ih, zinglam a si tikah ‘Zanlam si thlang sehla maw,’ nan ti lala ding

3. TLANG KOMNAK

Mak zet mi cu, cang 23 nak tla hi kum 3000 sanah kha cun zum ding le theihthiam a har ding nan, tusan ah cun PRISON kan ti mi pawl hi, tlunlam le hnuailam Thir le Dar lawng lawng te an si. Kan Pathian hi cu a Mak so khaw! Cule, 67Hi tulai “Depression & Hallucination” kan ti mi an si. Kimcang deuh in lesson dangah kan zir bet leh ding.
Cu tin Moses Daan cu Isarel Pasaltha leh Insang pa bik pawlin, BAWIPAI thucah pawimawh zia theithiam in, “Aw E” an rak ti, Thlasuah maktara leh lennak phunkip an dawng. Thimnakah Siangpahrang David leh Solomon kha, an Sui leh a Temple, thil zaten kawm in tulai milian Elon musk hin a tluk hrih lam lam lo tin mithiam pawlin an ruat.
Asinan, caan a run rei ih, Isarel miphun cun BAWIPA an feh san tho tho 🙂 Bawipa rinsan hi A rak awl lo asi.
BC 700 hrongah Asyria kutah BAWIHPA in an sual ruangah leh Milem biakih Bawipa an fehsan ruangah, Sal ah a tang ter sal. A hmaisa in Samaria a tluk hmaisa.
- Culai ah Siangpahrang Hezikiah le Prophet Isai hnenah a kut cak Voikhat te a lang ter sal. (2 Sansiar 32:20-21)
Cui hnu kum 100 hrongah Prophet Jeremiah a rak suak sal.
Jeremiah ih BAWIPAI hnenih Thucah dawn mi cu:

Jeremiah 17:5,7:

5 Bawipa in, “Ka hnen ihsin a tlan ih milai a rinsantu, milai cahnak men a rinsantu cu, Camsiat in um seh. 7“Sikhalsehla keimah i rinsantu cu, Bawipa ah rinsannak a neitu cu, thlawsuah ka pe ding.

Thufim 3:5

5Bawipa cu na thinlung zate in rinsan aw. Nangmah ih ruahnak le theihnak kha rinsan aw hlah.

ZIR DING MI:

Minung thinlung hi, Eden hmuan ih sin, Sual in a khat, sual duh ring ring mi thinlung leh ruahnak asi (Jer 17:9)
Cui ruangah kan minung thinlung leh ruah nak rinsan lo in, Pathian THU leh A DAAN thianghlim kan thlun a poimoh. Kan Minung taksa duhnak/Caknak ai sangih ret ding hi Bawipai in duhsak mi asi. Thimnakah Jesuh a rilrawn lai kha vun ruat sehla, tulai taksa dan cun “Vun ti ziauh zi men seh la, a poilo pi, vun mom ziauh mei aw etc” tivek ruahnak a rak suak theu, asinan Bawipa cun, Bible Thu rinsan in a doh ih, Taksa caaknak leh Sual thinlung thalo kha a Do neh ta riai (Mat4:3-4).
Kan NulePa nauhak laiih kan rinsan bantuk hin, BAWIPA hi kan rinsan ding asi. Cutikah a THU/DAAN pawl kan thlundingih, cucun Ralthatnak leh Thiangthlarau umpi Thlasuahnak phunkip in pek vivo ding. Bawipa in “Thlarau hi nunnak asi. Taksa cu zianghman a thahnem lo. Ka thu lo simmi pawl hi Thlarau leh Nunnak an si” (Joh 6:63).
Ka taksa duhnak le ruahnak, ka tawngsuak mi pawl hi “Keimah Biaka ih Thinlungin ara mi maw asi, Bawipai Thuthiang in?” ti hi sut awk ring ring seh la, Satan ih bumnak kan theithiam ding ih, Bawipa in ziangtin a duh ti hi fiangten kan thei thei ding. Cu mi ding cun Bible khal kan siar tam vivo a tul tinak asi.
Cuti cun, Lei leh Van Thlasuah Isarel miphun Deu 28 ih A rak tiam mi pawl kha, kan Miphun hnenah leh kan Nupi, fanau hnen tiang, Famkim ten a thleng sal ding! BAWIPA cu a thutiam ah A Rinum ring ring asi! (Ps 145:13).

Spiritual Growth (Thlarau Caknak)

Curriculum

Bible in zo si zum dingih in zirh mi leh kan hrang a poimoh nak?

Leave a Reply Cancel reply

Modal title