Delhi kan um laiah, MemoryTen USA outsource company hrang, kan tuan laiah, hna fehnakaah Cycle ka rak lei (Bike silo in Cycle 🙂 ). Voikhat cu ka darling Hoite thawn kan leng zik ih, ka Cycle ih “Phurh” na duh maw ka ti? Na ka “Perh” lai cu a ti. Ka khawruah a har tukih, Zingtin e? ka vun ti sal ih. “Pherh” a ti tho tho. Ka mangbang nawn ti a theih tikah, nannih teh ziangtin nan ti? in vun ti. Kei len “Phurh” ka vun ti cuh, kan 2 in, kan zauh aw ih hni ciam co 🙂 Mak maw le!
A tawpnakah “Phurh le Pherh” ava si khalah, kan tumnak Pathian Thlasuah hmun le ram kan thlen hi a thupi ber mai (Deu 11:8). Minung hi fim deuh, dik deuh le cuntin/khatin tiih minung thinlung le ruahdan thlunah hin, Bawipai thlasuah Pial san a awl. “Nun Beidawnnak” hi, kan Pathian hnenih a ra mi asilo. Bum ih kan umlo nak dingah, Thil ho te te ah hin buai nawn lo in, Bawipa in ziang a duh? ti ah hin buai uh si law. A thu theih kaunak, fimnak le a hlathiang kan thlarau nun cawm tu pawl ngai tam sin uh si.
Vanram thiltitheinak fehsanih, duhdawtnak ruangih a taksa in pek bangin, Kumthar 2026 ah, Thinlung–Ruahnak thar le Beiseinak Thlasuah cu, A Thuthiang kan siar ih, A hla kan ngai tiakah, a thar in lo pek cio seh!