Pathian Uknak/Pennak leh A Felnak hawl hmaisak hi, Vanram leh Lei Thlasuah vialte dawnnak asi (Mat 6:63)
Falam: Pathian Thlawsuah Dawn Dan (Deut 28:1-14)
THLAWSUAHNAK HRAM (DEU 28:1-14 ):
1“Tuih sunih ka lo pekmi thukham pawl hi feltein nan thlun ih Bawipa nan Pathian thu nan ngai a si ahcun leitlunih miphun hmuahhmuah hnakin hmun sang deuh ah a lo ret hai ding. (Bawipai Kilhimnak Exo 23:22-26)
2Bawipa nan Pathian ih thu ngai uhla hi thlawsuah a phunphun hi nan co ding. (Hlawhtlinnak Matt 6:31-33)
3“Bawipa in nan khua le nan ram pawl thlawsuahnak a pe ding.
4“Bawipa in fanu fapa, rawl a phunphun le caw le tuurual thlawsuahnak a lo pe ding.
5“Bawipa in na bawm le na kheng tla thlawsuahnak a pe ding.
6“Bawipa in na ṭuan na hawlnak kipah mal a lo sawm ding. (Fimnak Thufim 3:5-11)
7“A lo dotu na ral pawl cu Bawipa in a lo nehsak ding. Hmun khatih an lo nor hmanah hmun sarih in an tlan ding. (Lalpa Venhimna Exo 15:26)
8“Bawipa in na hnaṭuannak cu a thlawsuah ding ih na cuam pawl cu rawl an khat ṭheh ding. A lo pek dingmi ram sungah thlawsuah na ngah ding.
9“Bawipa nan Pathian thu nan ngai ih a thupekmi hmuahhmuah nan thlun ih a lamzin in nan feh a si ahcun a lo kam zo vekin amah ih minung ah a lo tuah hai ding. 10Cutikah leilung tlunih miphun hmuahhmuah in Bawipa in amah ih minung si dingah a lo hril kha an hmuh tikah an lo ṭih ding. 11Bawipa in nan pu le nan pa hnenih a rak tiamkammi ram sungah thlawsuah a lo pe ding ih nan neinungzet ding: tefa tampi, ṭilva tampi le rawl tampi nan nei ding. 12Bawipa in vanih a robawm, van khi ong tahrat in a tikcu caante-ah ruah a run surter ding ih nan hnaṭuanmi hmuahhmuahah hlawhtlinnak a lo pe ding. Cuticun miphun tampi hnenah thilri nan coih ding; asinain nannih cun nan cawi lo ding. 13Bawipa nan Pathian in miphun tampi lakah hruaitu-ah a lo tuah hai ding; thluntu cu nan si lo ding. Tuih sunih ka lo pekmi thukham pawl hi feltein nan thlun a si ahcun nan ṭhangso ringring ding; a ṭumsuk lam cu nan si dah lo ding. (Lalpa Duhdan Joh 14:15) 14Hi daan pawl cu ziangtik hmanah bal hlah uh; khawzing dangdang tla bia in rian hlah uh.” (Thlarau thiltihtheihnak leh Nunnak Joh 6:63)
A va tha ve. Amen!